sigurvin.annáll.is

Þann 16. Júní síðastliðinn birtist opnulöng grein í Fréttablaðinu eftir Teit Atlason er ber yfirskriftina ,,Trúlausi guðfræðingurinn”. Greinin sem er tekin af bloggsíðu höfundar lýsir trúleysisafstöðu hans og því hvernig að tveggja ára nám við guðfræðideild Háskóla Íslands hafi haft áhrif á þá trúarafstöðu. Í greininni gagnrýnir höfundur guðfræðideildina, sem hann segir gallaða stofnun, og tiltekur m.a. eftirfarandi rök fyrir því:

,,Í mínum huga eiga að vera skýr skil á milli hinnar trúarlegu innrætingar og hinnar fræðilegu kennslu. Það vantar einnig ýtarlegri (sic) biblíugagnrýni, kenningar um hinn sögulega Jesú, kynningu á trúarlegu umhverfi þegar Biblían er rituð, trú Egypta, kynningu á (sic) betri kynningu á gnóstískum ritum. Svo ekki sé talað um Júdarsarguðspjall sem er merkilegasti fornleifafundur síðustu árhundruða.”

Áfram…

Leikjanámskeiðum júnímánaðar í Neskirkju er lokið og var hress hópur af krökkum á báðum námskeiðunum. Námskeiðin voru vika í senn frá mánudegi til föstudags, klukkan 13–17. Á námskeiðunum gefst börnunum kostur á að kynnast kirkjunni og boðskap hennar í leik og starfi, auk þess að öðlast dýrmæt tengsl við nýja félaga. Myndir af námskeiðunum má finna á myndasíðu BaUN en tvö námskeið verða haldin í ágúst.
Áfram…

Náð sé með ykkur og friður frá Guði föður vorum og drottni Jesú Kristi.

Kæru Seltyrningar, gleðilegan sjómannadag.

Landsmenn halda í ár sjómannadaginn hátíðlegan sjötugasta árið í röð. Sjómannadagurinn hefur fyrir löngu fest sig í sessi sem fjölskylduhátíð þar sem mikilvægi íslensks sjávarútvegs er áréttað. Fyrir borgarbúa er þessi dagur ekki síst mikilvægur fyrir þær sakir að sjávarútvegurinn er ekki jafn sýnilegur í höfuðstaðnum og hann er í sjávarþorpum landsbyggðarinnar.
Áfram…

Starfsfólk leikskóla á fræðsludegi í Neskirkju.
Laugardaginn 17. maí var öllu starfsfólki leikskóla í Vesturbæ boðið á fræðsludag á vegum Dómkirkju og Neskirkju. Markmið dagsins var að bjóða upp á uppbyggilega fræðsludagskrá til að styðja við það góða starf sem starfsfólk leikskólanna er að vinna. Við tókum fullt af myndum á þessum skemmtilega degi og þökkum öllum þáttakendum fyrir. Áfram…

Miðvikudaginn 14. maí var haldið fræðslukvöld um kynferðislegt ofbeldi gegn börnum. Foredrafélög leikskólanna Gullborg, Vesturborg, Ægisborg, Sæborg og Hagaborg stóðu fyrir kvöldinu sem var vel sótt enda mikilvægt málefni sem snertir okkur öll.
Áfram…

Eftir blómlegan vetur í Barna og Unglingastarfi Neskirkju geta áhugasamir nú lesið starfsskýrslu vetrarins, sem lögð var fram á aðalsafnaðarfundi 4. maí síðastliðinn.
Skýrsla BaUN 2007-2008

NeDó, unglingastarf kirkjunnar, hélt árshátíð þriðjudaginn 11. mars og þar var mikið um dýrðir. Á matseðli var dýrindis nautakjötsréttur og ís og ávextir á eftir. Vel var sótt af núverandi, fyrrverandi og verðandi NeDó-ingum og sérstakir heiðursgestir voru þau Hans Guðberg og Guðmunda sem sáum um NeDó starfið um árabil. Sr. Guðni Már Harðarsson kom og sagði gamansögur eins og honum er einum lagið. Myndir af herlegheitunum er hægt að sjá á myndasíðunni en þar eru einnig myndbönd af skemmtiatriðum kvöldsins.

Náð sé með ykkur og friður frá Guði föður vorum og drottni Jesú Kristi, Amen.

Kæri söfnuður, gleðilega hátíð.

Á æskulýðsdegi þjóðkirkjunnar fagnar kirkjan börnum og ungmennum þessa lands og þegar við í Neskirkju lítum í kringum okkur á þau börn sem hingað sækja þjónustu höfum við sannarlega ástæðu til að fagna. Ávextir af barnastarfi kirkjunnar eru fjölbreyttir og ríkulegir og við erum sannarlega stollt af því hversu mörg börn kjósa að sækja hingað andlega næringu.
Áfram…

Fyrir æskulýðsdag Þjóðkirkjunnar bökuðu ungmennin í unglingastarfi Neskirkju rúmlega 6 metra súkkulaðiköku en unglingarnir vöktu heila nótt í kirkjunni við bakstur. Krakkarnir stefna á Evrópumót KFUM í Prag næsta sumar og var safnað áheitum upp í ferðina. Kakan bragðaðist dýrðlega og vakti töluverða athygli. Myndir af gistinóttinni má nálgast hér.

Hér geri ég aðgengilega kandídatsritgerð mína í guðfræði en ég lauk embættisprófi í október 2006. Kandídatsritgerð mín var unnin á sviði nýjatestamentisfræða og ber heitið ,,Jesúhefðin og hin himneska Sófía. Eðli og birting spekinnar í Jakobsbréfi, Ræðuheimildinni og gyðing-kristnum bókmenntum í ljósi hellenískra og gyðinglegra spekihefða”. Ritgerðin var unnin undir handleiðslu próf. Jóns Ma. Ásgeirssonar og var henni veitt ágætiseinkunn auk þess að hún hlaut Verkefnisstyrk Félagsstofnunar Stúdenta.
Jesúhefðin og hin himneska Sófía.