sigurvin.annáll.is

AnnállGuðfræðiKirkjustarfMinningarorðPrédikanir ofl.
  • Annálar

  • Tenglar

  • Eldri færslur

  • Leit

Árshátíð NeDó

12.15 11/3/08 - 0 ath.

NeDó, unglingastarf kirkjunnar, hélt árshátíð þriðjudaginn 11. mars og þar var mikið um dýrðir. Á matseðli var dýrindis nautakjötsréttur og ís og ávextir á eftir. Vel var sótt af núverandi, fyrrverandi og verðandi NeDó-ingum og sérstakir heiðursgestir voru þau Hans Guðberg og Guðmunda sem sáum um NeDó starfið um árabil. Sr. Guðni Már Harðarsson kom og sagði gamansögur eins og honum er einum lagið. Myndir af herlegheitunum er hægt að sjá á myndasíðunni en þar eru einnig myndbönd af skemmtiatriðum kvöldsins.

Prédikun flutt í Neskirkju á Æskulýðsdaginn 02. mars

14.45 2/3/08 - 0 ath.

Náð sé með ykkur og friður frá Guði föður vorum og drottni Jesú Kristi, Amen.

Kæri söfnuður, gleðilega hátíð.

Á æskulýðsdegi þjóðkirkjunnar fagnar kirkjan börnum og ungmennum þessa lands og þegar við í Neskirkju lítum í kringum okkur á þau börn sem hingað sækja þjónustu höfum við sannarlega ástæðu til að fagna. Ávextir af barnastarfi kirkjunnar eru fjölbreyttir og ríkulegir og við erum sannarlega stollt af því hversu mörg börn kjósa að sækja hingað andlega næringu.
Áfram…

Lengsta súkkulaðikaka Vesturbæjar

12.11 2/3/08 - 0 ath.

6ms.jpg
Fyrir æskulýðsdag Þjóðkirkjunnar bökuðu ungmennin í unglingastarfi Neskirkju rúmlega 6 metra súkkulaðiköku en unglingarnir vöktu heila nótt í kirkjunni við bakstur. Krakkarnir stefna á Evrópumót KFUM í Prag næsta sumar og var safnað áheitum upp í ferðina. Kakan bragðaðist dýrðlega og vakti töluverða athygli. Myndir af gistinóttinni má nálgast hér.

Subbuleg vinátta æskulýðsfélaga.

22.57 29/11/07 - 0 ath.

NeDó, unglingastarf Neskirkju og Dómkirkju, leggur mikið uppúr vináttu við önnur æskulýðsfélög og nánust er vinátta okkar við MeMe, æskulýðsfélag Digraneskirkju. MeMe kom í heimsókn nú í Nóvember og þáði veglegan subbufund í salarkynnum NeDó-inga. Eins og sést á myndunum var rosa stuð og þrifin stóðu fram á nótt. Takk fyrir komuna kæru MeMe-ingar.

Söfnun og keilumót í unglingastarfi Neskirkju

22.50 8/11/07 - 0 ath.

Á þriðjudaginn 07. nóvember var mikið um dýrðir í Neskirkju þegar yfir 80 ungmenni á fermingaraldri gengu um hverfið með söfnunarbauka fyrir Hjálparstarf kirkjunnar. Sama kvöld tók NeDó, unglingastarf Neskirkju og Dómkirkju, þátt í keilumóti ÆSKR.
Áfram…

NeDó á landsmóti ÆSKÞ á Hvammstanga 19.-21. október

17.18 22/10/07 - 0 ath.

Nú á sunnudaginn lauk landsmóti æskulýðssambands Þjóðkirkjunnar (ÆSKÞ) en um helgina hittumst rúmlega þrjúhundruð unglingar á aldrinum 13 ára til 18 ára ásamt leiðtogum á Hvammstanga. NeDó, æskulýðsfélag kirkjunnar, var þar með hóp af ungmennum sem sýndu kirkjunni mikinn sóma með hátterni sínu en svo vel gekk mótið að hvergi bar skugga á og gleðin skein úr hverju andliti. Neskirkju-myndavélin var mikið notuð og hægt er að nálgast myndasafn á myndasíðu barnastarfsins.
Áfram…

NeDó í heimsókn til MeMe

19.00 16/10/07 - 0 ath.

Unglingastarf Neskirkju og Dómkirkju, NeDó, er blómlegt að vanda og við erum sem stendur að undirbúa ferð á landsmót Æskulýðsfélaga á Hvammstanga næstu helgi. Mörg þeirra ungmenna sem að sækja starfið eru nú komin á 1. og 2. ár í menntaskóla og við erum sameiginlega að stefna á Evrópumót KFUM í Prag næsta sumar.

Í september reis hæst heimsókn okkar til MeMe, æskulýsfélags Digraneskirkju, og við fengum þar hreint frábærar móttökur. Anna Arnardóttir, MeMe meistari, leiddi okkur í gegnum allskonar skemmtilega leiki og kvöldið endaði með sameiginlegri lofgjörðarstund með öllum krökkunum. Þann 20. Nóvember munum við endurgjalda gestrisnina og fá vinafélagið í heimsókn til okkar. Með hjálp Diljáar heljarkanínu var tekið fullt af myndum af fjörinu. Við hlökkum til skemmtilegs vetrar með þessu frábæra unga fólki…

Vel heppnað Bjartsýnisbusl á sumardaginn fyrsta.

23.43 19/4/07 - 0 ath.

Rúmlega eitthundrað manns mættu í sund að morgni sumardagsins fyrsta en Vesturbæjarlaugin bauð öllum ókeypis í sund. Neskirkja, skátafélagið Ægisbúar og NeDó héldu utan um stundina og mikil ánægja var meðal sundlaugagesta með þessa uppákomu. Myndirnar eru bjartar, líkt og að þær séu teknar um hásumar en það var napurt við bakkann í sólinni.
Áfram…

Leikskólar á fræðsludegi í Neskirkju

11.42 16/4/07 - 0 ath.

Á laugardaginn 14. apríl sóttu leikskólar í Neskirkjusókn og Dómkirkjusókn fræðsludag hér í kirkjunni og var samtals 18 leikskólum boðið. Markmið dagsins var að veita fræðslu um sjálsstyrkingu í starfi, í þeirri von að það styðji og styrki það góða starf sem starfsfólk leikskólanna er að vinna. Dagurinn var vel sóttur og mikil ánægja var með þetta framtak. Við tókum fullt af myndum sem hægt er að skoða á myndasíðunni.
Áfram…

Páskamynd Krakkaklúbbsins

13.12 11/4/07 - 0 ath.

Í barnamessu í Neskirkju á páskadag var frumsýnd páskastuttmynd Krakkaklúbbsins sem ber heitið Upprisinn er hann… Í myndinni léku börnin og túlkuðu píslarsögu Krists frá pálmasunnudegi til páskamorguns.
Áfram…

« Fyrri færslur · Næstu færslur »

© sigurvin.annáll.is · Færslur · Ummæli