NeDó, unglingastarf Neskirkju og Dómkirkju, leggur mikið uppúr vináttu við önnur æskulýðsfélög og nánust er vinátta okkar við MeMe, æskulýðsfélag Digraneskirkju. MeMe kom í heimsókn nú í Nóvember og þáði veglegan subbufund í salarkynnum NeDó-inga. Eins og sést á myndunum var rosa stuð og þrifin stóðu fram á nótt. Takk fyrir komuna kæru MeMe-ingar.
Á þriðjudaginn 07. nóvember var mikið um dýrðir í Neskirkju þegar yfir 80 ungmenni á fermingaraldri gengu um hverfið með söfnunarbauka fyrir Hjálparstarf kirkjunnar. Sama kvöld tók NeDó, unglingastarf Neskirkju og Dómkirkju, þátt í keilumóti ÆSKR.
Áfram…
Nú á sunnudaginn lauk landsmóti æskulýðssambands Þjóðkirkjunnar (ÆSKÞ) en um helgina hittumst rúmlega þrjúhundruð unglingar á aldrinum 13 ára til 18 ára ásamt leiðtogum á Hvammstanga. NeDó, æskulýðsfélag kirkjunnar, var þar með hóp af ungmennum sem sýndu kirkjunni mikinn sóma með hátterni sínu en svo vel gekk mótið að hvergi bar skugga á og gleðin skein úr hverju andliti. Neskirkju-myndavélin var mikið notuð og hægt er að nálgast myndasafn á myndasíðu barnastarfsins.
Áfram…
Unglingastarf Neskirkju og Dómkirkju, NeDó, er blómlegt að vanda og við erum sem stendur að undirbúa ferð á landsmót Æskulýðsfélaga á Hvammstanga næstu helgi. Mörg þeirra ungmenna sem að sækja starfið eru nú komin á 1. og 2. ár í menntaskóla og við erum sameiginlega að stefna á Evrópumót KFUM í Prag næsta sumar.
Í september reis hæst heimsókn okkar til MeMe, æskulýsfélags Digraneskirkju, og við fengum þar hreint frábærar móttökur. Anna Arnardóttir, MeMe meistari, leiddi okkur í gegnum allskonar skemmtilega leiki og kvöldið endaði með sameiginlegri lofgjörðarstund með öllum krökkunum. Þann 20. Nóvember munum við endurgjalda gestrisnina og fá vinafélagið í heimsókn til okkar. Með hjálp Diljáar heljarkanínu var tekið fullt af myndum af fjörinu. Við hlökkum til skemmtilegs vetrar með þessu frábæra unga fólki…
Rúmlega eitthundrað manns mættu í sund að morgni sumardagsins fyrsta en Vesturbæjarlaugin bauð öllum ókeypis í sund. Neskirkja, skátafélagið Ægisbúar og NeDó héldu utan um stundina og mikil ánægja var meðal sundlaugagesta með þessa uppákomu. Myndirnar eru bjartar, líkt og að þær séu teknar um hásumar en það var napurt við bakkann í sólinni.
Áfram…
Á laugardaginn 14. apríl sóttu leikskólar í Neskirkjusókn og Dómkirkjusókn fræðsludag hér í kirkjunni og var samtals 18 leikskólum boðið. Markmið dagsins var að veita fræðslu um sjálsstyrkingu í starfi, í þeirri von að það styðji og styrki það góða starf sem starfsfólk leikskólanna er að vinna. Dagurinn var vel sóttur og mikil ánægja var með þetta framtak. Við tókum fullt af myndum sem hægt er að skoða á myndasíðunni.
Áfram…
Í barnamessu í Neskirkju á páskadag var frumsýnd páskastuttmynd Krakkaklúbbsins sem ber heitið Upprisinn er hann… Í myndinni léku börnin og túlkuðu píslarsögu Krists frá pálmasunnudegi til páskamorguns.
Áfram…
Í Tíu til Tólf ára starfi Neskirkju höfum við verið að fjalla um virðingu, vináttu og einelti nú á vormisseri. Við fengum því nokkra hugrakka sjálfboðaliða úr hópnum til að leika með okkur stuttmynd sem byggir á sögunni af Jósef syni Jakobs í 1. Mósebók 37-50 en sagan er mikið stytt og heimfærð til nútímans. Stuttmyndin fékk heitið Jósef á 21. öldinni og er ca 10 mínútur að lengd.
Áfram…
Fyrir þá sem að hafa beðið óþreyjufullir þá er stuttmyndin Morð í Vesturbænum nú komin á netið í fullum gæðum. Myndin er ávöxtur NeDó unglingastarfs Neskirkju og Dómkirkju og hægt er að lesa allt um málið í fyrri færslu hér á annállnum og sjá myndir frá tökum á myndasíðunni.
